Ua teena e le tina 32 tausaga le matua le moliaga o le ave taavale faatamala ua afua ai le maliu o se alii 32 tausaga le matua e faapea na moe i autafa o le auala tele i Salelologa Savaii i le masina o Tesema o le tausaga na tea nei.
O lea alii e mai le afioaga o Lalomalava Savaii, ma i ripoti a leoleo i lea taimi na masalomia sa faasuava lea alii na afua ai ona moe i autafa o le aualatele.
O le tali tetee a Nalama Sandy Talia na tauala atu i lana loia ia Magele Leone Su’a – Mailo.
O le aso 11 o Setema o le tausaga nei o le a faia ai le faamasinoga o lea tina.
