Ua lipotia i le RNZ i le vaiaso nei o loo iai se kulupu o tamaiti aoga i le Iunivesite o Otago o loo tetee atu i le taumafaiga a le iunivesite e toe faafou lona laisene tau ava malosi, fai mai i latou ia e le o lava faamatalaga e faatatau i lenei mataupu. 

O le kulupu ua faaigoaina Students for Sensible Drug Policy Dunedin poo le SSDP, ua valaau nei mo ituaiga fualaau e togafitia ai ni overdose ina ia tatau ona avanoa ane aemaise ia lava aoaoina le aufaigaluega i le faatinoina o lea auaunaga, o se mataupu lea fai mai le iunivesite e le manaomia.

Fai mai o le manatu a lea kulupu ina ia faailoa le latou finau i se fonotaga a le District Licensing Committee i le Aso Tofi o le vaiaso nei.

Fai mai e na o le kulupu lea o loo faalavelave nei i le talosagaina o le faafou o le laisene o le iunivesite i le mataupu i ava malosi.

Ua faailoa i le lipoti o finagalo faaalia i le mataupu lea o le a tapunia i le aso 21 o Aperila ae pe ā ma le 10 aso o le a tuuina i le komisi e faia ai le latou faaiuga.