Ua teena e le palemia o Ausetalia, Scott Morrison nisi o lipoti e faapea ua oia le mafutaga I le va o Ausetalia ma le atu Solomona ina ua faia se faamatalaga a le palemia o le atu Solomona Manasseh Sogavare I le po anapo faapea o lona atunuu ua faia pei ni tamaiti I aoga amata o loo uu ni a latou fana.
Fai mai Morrison o loo tumau pea Ausetalia o le paaga tau le puipuiga mo le atu Solomona e ui I le la maliega ua faia ma Saina. O loo iai nei le palemia I le itu I sisifo o Sini I Paramatta lea o loo ia umia ai le nofoa ma o loo faamoemoe e faaauau ai a latou campaigns.
Fai mai Morrison I le mataupu I le atu Solomona ua leva lava ona iai Ausetalia mo tagata o le atu Solomona ma o le a iai pea lava.
