O loo teena e le tina o tamaiti ia na maua tino maliliu i totonu o atopau ona moliaga i le fasiotia o lana fanau.
O lea tina 42 tausaga lea na toe faafoi mai i Niu Sila nei e leoleo a Korea i Saute i le masina talu ai e lei tulai i le faamasinoga i le aso ananafi ae o lana loia sa ia faailoa i luma o le faamasinoga maualuga i Aukilani o loo tetee lea tamaitai i moliaga e lua o le fasioti tagata.
O loo ua poloaiina le toe faaauau pea o le faasā o le faailoaina o le suafa o lea tamaitai seia aulia le isi valaauina o le mataupu lea i le tausaga fou.
Na tulai i luma o le faamasinoga faaitumalo i Manukau i le aso 30 o Novema, ina ua taunuu mai i Niu Sila.O loo taofia pea nei i le vaaiga a leoleo e tālia ai se isi aso o le mataupu lea i le faamasinoga auā o lea ua faailoa lana tali tetee i ona moliaga
