Ua leai mai le Palemia Jacinda Ardern i le talosaga a le Pulenuu o Aukilani e faia sa laua feiloaiga faia faatasi faafesagai ma le vasega o tusitala.
O le asō lea e feiloai ai Wayne Brown, le pulenuu fou o Aukilani ma le Palemia mo le uluai taimi talu ona tulai mai le pulenuu ma o le a faia i le ofisa tutotonu o le council i le taulaga.
Ae i lipoti a le Herald o le feiloaiga lenei na faatalosagaina ai e Brown le ofisa o le Palemia e faia se feiloaiga faia faatasi ma le Palemia i luma o tusitala pe a uma.
Ua tali mai ai le sooupu a le Palemia e leai se feiloaiga faapea e faia, ma e lei faia e le Palemia i isi ana feiloaiga lea na faafeiloaia ai pulenuu fou o Ueligitone faapea Kalaiesetete.
Pau le feiloaiga faafesagai ma tusitala e faia pe a uma le fonotaga i le taeao nei, o le feiloaiga a Jacinda ma le pule sili o le Auckland Chamber of Commerce, o ia foi o lē sa taitaia le National, Simon Bridges.
