Ua ta’utino se alii talavou mai Marlborough sa ia nanāina parcels poo afifi a tagata i lana loka a o faigaluega i le NZ Post ma ia ta’utino foi i le gaoia o le faitau afe o le tau o oloa sa ia aveina.
O se suesuega ma faamaumauga a leoleo ua ta’ua ai o Elijah Kerr 19 tausaga na faigaluega o se soka meli i le NZ Post mai le masina o Novema 2021 agai mai ia Aokuso 2022, mai lea taimi sa ia ta’utino ai i lona gaoia o afifi ia e aofia ai se isi afifi e 9 lelei uati sa iai i totonu e oo atu lona tau i le 3 afe, o uati mai le Michael Hill Jewellers.
E leai nisi moliaga muamua o le talavou ma sa ia ta’utino foi i ona moliaga i le faamasinoga i Blenheim i le aso ananafi.
Ua toe tatala i tua e tālia ai le lauina o lona faasalaga i le aso 26 o Iuni.
