Ua taunuu le tamaitai Palemia o Niu Sila, Jacinda Ardern i Bangkok mo le APEC summit lea o le a faatasitasi ai taitai mai le atu Asia ma le Pasefika e talanoaina tulaga tau tamaoaiga o le itulagi talu mai aafiaga o le Koviti-19.
O mataupu e pei o le unaia o le tamaoaiga o atunuu, pisinisi ma le saogalemu i le afea o tuaoi o atunuu o nisi ia o vaega tāua o loo silasila iai.
Ua lipotia foi le faia o ni faamatalaga a le tamaitai Palemia i le malosi o le lagolago a Niu Sila i sa ma vavao o loo faia faasaga ia Korea i Matu.
O loo fuafua e feiloai Ardern ma le taitai o Saina faapea foi ma le peresetene o Indonesia atoa ai ma se feiloaiga ma le sui peresetene o le malo tele o Amerika ma le taitai o Farani, Justin Trudeau.
