Ua taunuu i Niu Sila le uluai faigamalaga laveai lea na alu e aumai tagata Kiwi o loo i Niu Kaletonia.
E tusa o le itula e 10 anapo lea na tulaueleele manuia ai i le malaevaalele faavaomalo i Aukilani ma i lipoti e faapea e tusa ma le 50 tagata na mafai ona aumai ai.
O le te’a o le 5 i le afiafi ananafi lea na faato’ā alu ese atu ai ma Aukilani ma pe ā ma le na o le tasi le itula na tapena ai ina ua sau le tala mai le minisita ia Winston Peters a o lei alu ese atu.
A o fetaua’i pea Niu Kaletonia ma leai se filemu, ua faamautinoa mai e le minisita o le va i fafo a Niu Sila o le malaga muamua na alu ananafi, o le amataga lea o faigamalaga o le a faaauau pea i le vaiaso nei e aumai ai tagata Niu Sila o loo fia oese mai lea e tusa ma le 250 o loo i le teritori.
E leai se tala mautinoa a Peters pe fia faigamalaga ua tapena, ae ua faafetaia le fesoasoani a sui mai Farani lea na taitoaluaina le o ane o pasese i le malaevaalele ananafi ma ia mautinoa e oese saogalemu.
Puna o Faamatalaga: New Caledonia riots: Mercy flight touches down at Auckland International Airport, more evacuations likely throughout week – NZ Herald
