Ua taula nei i le uafu i Matautu i Apia le vaa fou o le Lady Samoa IV, o le sui o le vaa o le Lady Naomi.
O le Aso Tofi na taunuu manuia ai le faiga malaga a le vaa fou, sa faaauvaa e nisi o aliivaa o Samoa faapea ni sui o le kamupani na fausia le Sa fou i le atunuu o Iapani. E 66 tesimale 74 miliona tala le tau o le vaa sa faatupe i se fesoasoani a le Malo o Iapani.
Na faailoa e le Minisita o Galuega tetele e iai ma le vaaia o le faalapotopotoga o vaa a Samoa i le amataga o lenei vaiaso, o le aso muamua o Novema le Aso Lua asau o le a faalauiloa aloaia ai le Lady Samoa IV i se sauniga.
O le mae’a ona faalauiloa o le a tapena ai loa mo lana malaga muamua i le va o Samoa ma Amerika Samoa. Ua 25 tausaga o faaaoga le Sa o le Lady Naomi i malaga i le va o Samoa e lua.
E le o iloa le fuafuaga a le faalapotopotoga o vaa a le atunuu o loo pulea malaga i le va o Apia ma Pago Pago faapea ona vaa o loo tautuaina malaga i le va o Upolu a Savaii, pe o le a toe faatau ese le Lady Naomi, e pei o isi vaa o le faalapotopotoga.
