O loo tulai le Palemia Christopher Luxon e faailoa le lagolago a le Malo mo leoleo ma ia ta’ua ai o le a faaauau pea ona lagolagoina e le Malo i latou e ui o loo upuia e le asosi a leoleo le ofa mulimuli nei e faatatau i o latou totogi.
Ua faailoa e le Newshub o loo fuafua se solo tetee a leoleo ina ua mae’a tuuina atu se ofo e fā pasene o le siitaga o totogi o leoleo lea foi na o latou teena i le masina o Setema i le tausaga talu ai.
Na lipotia i lea tusitusiga ua faamatala e le asosi a leoleo le ofo e pei ona tuuina atu o se insult.
E solitulafono le solo tetee o leoleo e pei ona faailoa i le lipoti ae e foliga o loo faatulaga sa latou faiga e faaigoa o le work to rule e mafai ai ona latou teena ni galuega ovataimi ma ave uma foi a latou malologa e pei ona faatulaga ma e oo ina tulai ai ni faaletonu tetele i le auaunaga.
I le faatalanoaga a le Palemia i luga o le AM na ia ta’ua ai o le latou gaioiga o loo faia o le faamautu lea o loo latou tuuina i leoleo meafaigaluega mo le faatinoina o le latou auaunaga.
O le faaiuga o le tausaga talu ai na faailoa ai e 77 malu o le malo a Niu Sila na agai atu ma galulue i Kuiniselani, ma le lata i le 20 na agai i le Northern Territory.
