Afai o oe o se talavou ma o loo mafai ona e faigaluega, e tatau ona e alu e faigaluega.
O upu tuusa’o lea a le ta’ita’i o le National, Christopher Luxon a o faailoa mai ai fuafuaga a le National e lagolago ai talavou le faigaluega, ma o lea sa ia faailoa i le koneferenisi faaletausaga a le pati i Kalaiesetete.
Saunoa Luxon, o le National o loo ‘au i le itu a tagata totogi lafoga, ma afai o lea o loo tietie fua le talavou o loo ola penefiti ae o loo mafai ona faigaluega, ma o lea foi o loo mafai i lalo o pulega a le Labour, o le National, ua uma
Ae mo talavou o loo taumafai e saili galuega, o le a iai le fesoasoani faaopoopo mai le faigamalo a le National e una’ia ai pea le agai e saili galuega.
I faamaumauga ua sau ai i le silia ma le tausaga toeititi faaluaina talavou o loo tala penefiti ua ta’ua o le Jobseeker poo le penefiti lea e maua a o taumafai ai e saili galuega, talu mai le 2017 ma e tusa ma le 100,000 tagata o loo mafai ona o e faigaluega lea o loo talaina le Jobseeker.
Ua toe lagona ai foi ma le upu sanction poo le faasalaga lea e taofia ai le maua o le penefiti pe a lē faamalieina gaioiga e tatau ona fai e le tagata tala penefiti, ma e le’i ma’oti poo ā faasalaga i saunoaga a le ta’ita’i.
Ae i se tali a le malo faapea le Green Party o ni fuafuaga e lē mautinoa pe mafai ona faataunuu.
