O le tala faatatau o le tupe mo le tausaga lenei 2023 o le a taulai i le toe fausia o mea i le mae’a o le afā o Gabrielle ma le tau o le soifuaga, o le faamatalaga lea mai le minisita o Tupe, Grant Robertson i le asō.
Ua ia faailoa o le aso 18 o Me o le a folasia ai le tala faatatau o le tupe 2023 ma o le a atagia ai le manaoga e galulue faatasi ma komiuniti faalotoifale ma taulai i le toe faafoi o nai aiga mafatia mai aafiaga o le afā ma lologa ma faifaatoaga, faipisinisi i le tulaga sa iai muamua.
E le o mailoa le tulaga faaletamaoaiga ma aafiaga ua iai i le taimi nei ae o loo mautinoa o le tau mo le toe fausia ma le faaleleia o mea faaleagaina o le a oo atu i le faitau miliona.
Saunoa Robertson o le a faaauau ona faagaioi le tamaoaiga i le ala sa’o i lenei taimi o luitau ma faaauau pea ona inivesi i le maua o ni totogi maualuga e fesoasoani ai i tagata o Niu SIla.
