Ua faia ni faatalanoaga a le Minisita o le Va i Fafo a Niu Sila o Winston Peters ma le Failautusi o Malo Aufaatasi i Niu Ioka ma o loo taulai ia talanoaga i ni faiga faapaaga ma le Pasefika.
Fai mai Peters i sana saunoaga o loo lipotia i le One News, o atumotu laiti o le Pasefika e faamoemoe i taumafaiga fai faatasi e faafetauia luitau e feagai ma latou e pei o le siitia o le suavai sami aemaise o tulaga tau le tamaoaiga ma lona faalauteleina.
Faailoa e Peters o faatalanoaga ma le failautusi aoao o Malo Aufaatasi ua maioio ai le tāua o le matafaioi a Malo Aufaatasi e tatau ona faatino ia fesoasoani ai i le Pasefika i le tali atu i nei luitau.
Na faaoo foi e le minisita faamaisega mai ia Niu Sila mo le failautusi ma Malo Aufaatasi i le ma’umau o soifua o le silia ma le 175 o le aufaigaluega a Malo Aufaatasi i le vevesi o loo tulai mai i Gaza.
Puna o Faamatalaga: https://www.1news.co.nz/2024/04/10/peters-un-talks-focus-on-global-challenges-in-pacific-region
