E nonofo latalata i le nofoaga o loo taunuu mai ai le suauu i totonu o Niu Sila, ae ua matuai taugata lava o le tau o le suauu.
O le faaseā lenei a tagata Whangarei ma ua o latou tapa ai se faamalamalamaga pe aisea.
O le peninisi 91 o lea ua saofai i le $3 ma sene i le lita.
I nisi o molimau i lipoti a le leitio a Niu Sila, o loo faaalia ai le lē fiafia tele i le maualuga tele o le tau o loo totogi mo penisini i Whangarei, ma ua taugofie atu ai nuu e iai Dargaville.
E oo lava foi i le Northland Automobile Association, o loo fesiligia foi pe aisea ua soona taugata tele ai le tau o le penisini i Whangarei.
