Ua faasolo atu ina atili taugata le tau o le totogi mo le eletise mo le faitau afe o tagata Niu Sila aemaise ina ua faalauiloa mai foi le isi siitaga o tau a le Genesis Energy.
Fai mai le Newshub e faateia le toatele o paaga ona o lea siitaga fou ua faailo mai, o le a faalua ai siitaga i totonu o le 8 masina.
O le faamatalaga mai le Genesis, o le sii o le totogi o le eletise e mafua mai i le inflation ma ua mafua ai siitaga o auaunaga i le atunuu atoa.
Faailoa e le kamupani e lelei ona fesootai atu ia i latou pe afai e lē o mafai ona gafatia le totogiina o pili ma ua faailo foi i tagata a latou fuafuaga amata atu i le aso 23 o Fepuari o le tausaga nei.
