O le agaese lea na faaaogā e faamata’u ai se tasi o alii talavou i le aoauli o le Aso Gafua a o iai i le fale faatalipasi i Albany, ma ua fai mai lona tina ua lagona e le atalii le fefe tele.

E 17 tausaga le matua o le atalii e lē o faailoaina lona suafa faapea ai foi ma lona tina e tusa ma lipoti a le 1News, ma o lea na faatauanau e talavou e toalua e tatala atu ona seevae.

E tupu e leai ni sikulati i le fale faatalipasi i lea aso, pe tusa lea o le latalata lea i le 2 i le aoauli ma o le aso malolo foi.

Na sulu le alii na faamata’uina i le mall e lata ane, ma o i na piki ai e lona tina.

I lipoti mai leoleo ananafi na faamaonia mai ai e toalua talavou 13 tausaga le matutua o lea na pu’e e leoleo mai le fale faatalipasi i Albany ma ua tuuina atu foi i le Youth Aid.

Ae mai le tina o le atalii, ua ia ta’utino o le a taumamao lona alo ma le fale faatalipasi a o faaauau ai pea ona ta’ua mai faiga taufaamata’u ma vesiga i fale faatalipasi.

Puna o Faamatalaga: Teenage boy threatened with machete at Albany Bus Station (1news.co.nz)