E ono iai se tulaga tāua lava o finagalo faaalia o Ausetalia i le faamautuina o le filifilia o le isi taitai e sosoo ai o Niu Sila pe afai ae faataunuuina le palota a le atunuu i le masina nei.
O le Palemia o Chris Hipkins ma le taitai o le itu agai o Christopher Luxon o le a finau mo le taitaiga o le atunuu i le aso 14 o le masina nei.
Afai e palota tagata Ausetalia i le Indigenous voice to parliament i le aso lea o lona uiga o le faitau afe foi o tagata e ono latou faaaoga foi le avanoa lea agai i suiga fou o tulafono o faigāpalota ma faailoa ai o latou finagalo i lē e taitaia le la itu o le Tasimani.
O sitiseni Niu Sila i Ausetalia ua mafai nei ona faia atu a latou palota mo lo latou atunuu i Ausetalia nei pe afai e lei toe oo i Niu Sila i se umi e lē silia ma le ono tausaga.
O i latou e nofomau e mafai foi ona agavaa.
Mai le miliona o tagata Niu Sila mo se faataitaiga o loo nonofo i fafo mai o Niu Sila, toeitiiti 70 pasene o i latou ia o loo aumau i Ausetalia i tausaga ua tuanai e na o le tasi mai le sefulu o tagata Niu Sila i atunuu i fafo mai o Niu Sila e palota.
