O le Aso Tofi ma le Aso Faraile o le vaiaso nei o loo faagasolo ai se mafutaga a tupulaga e iai o latou aafiaga tumau, i se taumafaiga a le Nuanua o le Alofa le faalapotopotoga o loo tapuvae tasi iai polokalame mo le siitia o le soifua lelei o tagata e iai aafiaga tumau i Samoa, e faasoa manatu ma lagona i auala e mafai ona maua ai e sui o le faalapotopotoga auaunaga faatekonolosi.

O le Sui Palemia o le saunoaga aami lea na tatalaina le mafutaga a tupulaga talavou e iai aafiaga tumau, ma sa toe faamanatu ai e le sui ta’ita’i o le Malo aiaiga o le feagaiga faavaomalo e faasino i tagata e iai aafiaga tumau e pei ona mae’a ona sainia e Samoa.

O se tasi o aiaiga o lea feagaiga o loo matilatila ai le avanoa tutusa e tatau ona maua e tagata e iai aafiaga tumau i soo se fesootaiga faatekonolosi.

Le afioga i le Sui Palemia, Tuala Tevaga Iosefo Ponifasio i le tatalaina o le mafutaga a tupulaga e iai aafiaga tumau.

O le Pelesetene o tupulaga e iai aafiaga tumau o le Nuanua o le Alofa na tali fuaitau i le saunoaga autu o le faamoemoe.

Le susuga ia Tiaena Herbert Bell o le Pelesetene o tupulaga o le Nuanua o le Alofa.