O le suiga i le tala o le tau ua tau fesoasoani i le tuuitiitia o aafiaga o afi i le setete o Niu Sa Uelese.
I le tele o le mau lapataiga sa faamatuu atu i le po anapo mo vaega eseese o le setete ua faailoa mai i le asō ua toe fetuunai ia lapataiga ina ua iai se suiga.
Peitai o loo malosi pea le sasao o le afi i le faaitu o Jennings lea e lata i le tuaoi ma Kuiniselani ma o loo iai aafiaga i fale ma meatotino i lea faaitu.
O le isi foi afi o loo sasao ane i togavao i le itu i Saute i Tenterfield ma o loo lapataia ai tagata.
Ua silia ma le 1100 hectares ua faaleagaina i lea afi ae o le sui o le itu e agi ane ai le savili ua faailoa e le tineimu ua fesoasoani foi lea i le suia o le itu e malosi agai iai le tele o afi ma faaitiitia ai aafiaga.
O loo ua iai nofoaga evacuation centres ua faatulaga mo nai tagata ua iai aafiaga i o latou maota ma laoa ona o le afi.
E lata i le afe le aufaigaluega a le tineimu o loo galulue i le setete i le tapeina o ia afi ae o loo galulue foi isi i Kuiniselani lea foi o loo aafia ona vaega i tulaga faapea i le amata o le tau vevela.
