Ua tau popole se tasi tama Niu Sa Uelese ina ua fiu i le po ole aso Gafua e tau sue lana pepa manumalo o le lotto e tasi le miliona le faailoga.
Ole lipoti a le 7news ua taua ai na tutulu lelei le tama lea mai Dubbo i luga o le telefoni i le ofisa o le lotto ina ua fiu e sue lana pepa. E toafa i latou na faamanuiaina i le faailoga muamua o le lotto i le aso Gafua lea e aofia ai ma le tamā lea.
Na ia faamatala i sui o le aufaigaluega a le Lotto na fiu e sue le pepa malo ae faafetai na toe maua lava ina ua agai uma ane lona aiga e saili ma toe maua ai lava i totonu o lana ato. Na tutulu le tama ma fai ane e faigata ona ia talitonuina lenei tulaga ua iai ole a mafai ona alu e ave si ana fanau ma si ona toalua e faatafafao.
