O le tau o le soifuaga le mafuaaga aupito i taatele o loo faapopoleina ai tagata Ausetalia ma o le iuga lea o se suesuega sa faatautaia lea ua faailoa mai i le vaiaso nei.
Ua sili atu le mafuaaga lea o le tau o le soifuaga nai lo le koviti pe a fua i faamaumauga mai le iuga o le suesuega sa faatino e le auaunaga a le Beyond Blue, o se auaunaga tau le soifua maloloina ma ua faalauiloa le iuga o le suesuega i le World Mental health service.
O isi mafuaaga o loo faamauina e mafua ai mafatiaga i tagata Ausetalia e aofia ai le maualuga o le tau o fale, le taua i Ukraine aemaise foi le faamai.
I Ausetalia nei ua maitauina pea le siitia o le tau o le tele o auaunaga aemaise foi nisi o oloa o taumafa ma mea e manaomia i aso taitasi.
