O se feagaiga o loo fetuunai nei e Malo Aufaatasi e iai le avanoa e ono telē ai sona aafiaga lelei i le itulagi o le Pasefika.
Fai mai se tasi o saienitisi ua lipotia i le RNZ e iai faamatalaga fou ua maua ua iloa ai e iai le avanoa e mafai ai ona ausia le moemitiga o le zero plastic pollution a o lei oo i le 2040.
E 175 atunuu ua malilie i le masina o Mati 2022 ma ua faia ai se maliega e faatatau i le otaota o plastics, pepaiila lea e alu a’e ai le kasa pe a susunuina ma faaleagaina ai le siomaga.
O le faaiuga o le tausaga nei ua fuafua e tatau ona oo iai ua faamautu lea maliega i le atunuu o Korea.
Ua ta’ua i le lipoti lea e fua atu i faamaumauga e foliga o se aofaiga e 1.8 tiliona o plastics o loo tafetafea solo i le Pasefika.
Puna o Faamatalaga: https://www.rnz.co.nz/international/pacific-news/515247/plastics-treaty-could-have-major-benefit-for-pacific
