O le a totogi e le Google ma le Meta tala o loo laua lipotia.
O se tala lea mai le malo a o agai ai e tuufaatasi le tulafono o le a le toe maua fua ai tala fou lea o loo o laua lipotia.
Na manino lava i le saunoaga a le minisita o faasalalauga Willie Jackson igoa o le Google ma le Meta lea e onaina le Facebook ma le Instagram e totogi tala fou o loo laua lipotia.
O se tulafono o le a amata i feutanaiga ma talanoaga aua se maliega ia ausia, ma afai ae faafaigata ona oo lea i le isi sitepu e pakegi ai.
O se laasaga ua oo iai Niu Sila i le mae’a laga ai e nisi o ofisa faasalalau ua tatau ona faataitai ia Ausetalia lea e tapa le tatau ona totogi o lipoti a fale faasalalau o loo toe lipotia e ofisa faasalalau tetele mai fafo.
I faatusatusaga o loo maua e Ausetalia le tusa ma le $200 miliona talu ona aloaia i le tausaga talu ai, ma a o vaavaai ai Niu Sila e totogi tala o loo tuufaatasia e ofisa faasalalau i totonu o Niu Sila, pe a ma le $30 i le $50 miliona tupe toe sau i totonu o lea maketi.
Mai le minisita, e le fetaui le faasalalau fua e pulega e iai le Google ma le Meta o lipoti o loo alu ai tupe e tuufaatasia.
