Ua moomia le toe iloilo lelei o le avanoa o loo saili galuega mai ai tagata Pasefika i Niu Sila nei i lalo o galuega faavaitaimi.
O lea ua tauaao e le komiti filifilia a le palemene lipoti o loo ta’ua ai e lē o lelei ona faafaigaluega tagata Pasefika o loo omai i lalo o galuega faavaitaimi.
O lea lipoti mai le iuni a le Amalgamated Workers Union o loo molimau ai i faitioga a se tasi o tagata faigaluega mai Vanuatu o loo nofo i Otago, ma ua faitio i le na o le ta’i tolu minute e faamālū ai toe laiitiiti le fale o loo faaofiofi uma ai.
I lea lava lipoti o loo ta’ua ai e leai ni heaters e faamafanafana ai potu, aemaise le taufaamata’u e lē toe pikia mai i isi au piki pe a filifili e avea ma sui o le iuni.
O ni faiga e lē o nofonofo lelei ai le sui o le Green Party, Ricardo Menendez March ma ia faatalosagaina ai le tatau ia Niu Sila ona faia se suiga.
Ese mai i lea iuni, o le tala lava foi lea e tasi mai le First Union ma e faapea o loo faaoo atu pea faitioga.
Silia ma le 7,000 tagata Pasefika o loo iai nei i totonu o Niu Sila i galuega faavaitaimi.
