Ua tatau ona taofi le polokalame faitau tusi o loo faia mo fanau e le o lelei taumafaiga.
O le polokalame lenei na amata mai i le 1980 e pei ona faia ai foi e isi atunuu i fafo, peitai i faamaumauga mai le matagaluega o aoga ua toaitiiti aoga tulagalua agavaa o loo latou faaaogaina.
O fanau ta’i 6 tausaga le matutua e le lelei le faitau tusi ma e le o ausia le tulaga e tatau ona iai e fua i le vasega o loo iai, lea na faia faapitoa ai lenei polokalame.
A o toatele ai aoga o loo molimau i le aogā o le polokalame, ua molimauina le pa’ū o le fuainumera o fanau o loo faaaogaina ma o lea suiga na amata mai i le 2013.
I le 2019 e silia ma le 8,000 fanau auai i le polokalame, peitai e 21% ua pa’ū ai mo le 2021 lea e i luga laititi atu lava o le 6,000.
Ua faatalosagaina ai e nisi o puleaoga le taofia loa o lea polokalame ae avane tupe o loo faatupe ai mo se isi polokalame e manuia ai fanau.
Ae mai e manatu nisi, e le o le polokalame le faafitauli ae o meatotino e faatino ai.
