O le sefulu miliona tālā o le taui ua aumai e le Malo o Niu Sila ona o le goto o le manuao o le Manawanui i se vaega o ogasami o Samoa, ua iai lagona o nisi ua faailoa lautele ua latou faitioina ai le malo o Niu Sila ona e lē lava lea taui tupe.
Ae o le feiloa’iga a tusitala ma le ta’ita’i o le itu faaupufai e puipuia aiā tatau a tagata ma fesiligia ai se finagalo o le susuga Tuilaepa L Sailele Malielegaoi, o lana tali e tatau i le malo ona finau pea ia Niu Sila.
Le susuga Tuilaepa L Sailele Malielegaoi.
O le saunoaga o le tala faatatau autū o le tupe a le Minisita o Tupe i le Palemene i le vaiaso nei, sa faailoa ai le tuuina atu o le sefulu miliona i fuafuaga a le Matāgaluega o Puna’oa Faalenatura ma le Si’osi’omaga.
