O le asō ua tatalaina aloaia ai le Sydney Metro e pei ona folafolaina, o le faamae’aina o se galuega ua leva ona faatautaia ma ua amata i le asō ona faaaogāina e tagata lea auaunaga.
E 8 isi trains fou o le a amata faaaogāina i le asō mo feoa’iga i le va o Chatswood ma Sydenham e aofia ai ma le Sydney Harbour.
O lenei poloketi na amata folafola i le 2011 ma e 7 tausaga na fausia ai i lona tau e $21.6 piliona.
E tai fā minute ma alu trains mai le station i Tallawong faapea foi ma Sydenham i taimi faatulagaina.
Ua faailoa i le lipoti o metro trains e 45 e mafai ona tauaveina pasese e silia ma le 1,150 ma o le a vave ai feoa’iga.
O le fautuaga mai le premier o le setete, Chris Minns i tagata e faaaogā auaunaga o feoa’iga lautele ina ia lava le onosai.
O trains ia e saosaoa atu nai lo trains masani ma e leai se ave train.
Puna o Faamatalaga: https://www.9news.com.au/national/sydney-metro-trains-open-new-stations-peak-hour/34d89167-ea3e-450e-ad39-3a525ceec9a6
