Ua tatala nei foi faitotoa ma le nofoaga o le Sydney Royal Easter Show ae manatu le toatele e lē taumate o le a toaitiiti atu tagata e afea le faaaliga i lenei tausaga ona o loo faia i le vaitau o loo a’e aoga a le fanau.
E ui i lea e manatu i latou o loo tuufaatasia le faaaliga e ono oo atu i le 820 afe tagata o le a afea le nofoaga o le faaaliga i le Sydney Olympic Park mo le 12 aso.
Fai mai Murray Wilton o le Royal Agricultural Society of NSW, ua telē atu le faaaliga i le tausaga nei.
O se tasi lenei o faamoemoe e faatalitalia e le tele o aiga aemaise le tupulaga ma fanauiti auā e eseese uma faaaliga e mafai ona maimoaina ai.
