O le aso le uluai aso o suiga fou lea ua tatala atu ai le faitotoa I isi pasese mai fafo
O le taeao nei ua saga faamama ai tapu o le Koviti ma matala atu ai le faitotoa e omai ai pasese mai le silia ma le 40 atunuu ma teritori ua uma ona faia tui
O pasese agavaa ua mafai nei ona omai talu mai le toe tasi le minute I le 12 anapo o I latou nei mai atunuu ua taua o visa waiver poo atunuu e le moomia ai le tau talosaga o se visa e faimalaga mai ai I Niu Sila
Ese mai I lea ua mafai ai foi ona omai tagata asiasi mai mai isi atunuu o loo umia visa tafao e ulufale mai ai ma o nei visa o loo aoga
Ua taua mai ai e le kamupani vaalele a le Ea Niu Sila silia ma le 1000 pasese o le a omai I faigamalaga e tolu taunuu I le aso
