O le aoauli nei lea na amata tatala ai le avanoa e talosaga atu ai tagata na aafia i le afā o Alfred i seleni mai le malo pei ona folafola e le palemia i le amataga o le vaiaso.
Fai mai e mafai ona talosaga tagata e agavaa i le upega tafailagi ale Mygov ma o ia fesoasoani faaigoa o le Personal Hardship Assistance Scheme ua faagaga mo nai tagata na aafia i faaitu e pei o Logan, Gold Coast faapea Redlands, e fesoasoani ai i le tau o mea ua faaleagaina pei o meafale ma le toe faaolaina o le auaunaga i ia meatotino.
O loo tumau pea lapataiga o uiga louloua o le tau i is fitu o Kuiniselani e oo mai lava i nofoaga e pei o Brisbane.
Ua faailoa mai foi toeitiiti 230 afe fale ma pisinisi o loo motusia ai pea le eletise i le taimi nei e le gata i Kuiniselani ae faapea foi i le itu i matu o Niu Sa Uelese.
Ua saunoa foi le Palemia ma le Premier o Kuiniselani ma faailoa nisi o penefiti ma fesoasoani tau tupe ua avanoa ane mo tagata na aafia i le afā. Ua iai faamatalaga ua lipotia foi i le asō ua upuia ai e nisi le taitai o le itu agai Peter Dutton ona o lona agai ese mai ma lona faaitu o Dickson lata i Brisbane, ao tapenapena ma sauniuni lea faaitu mo le afa. Ta’ua e e nisi o tagata na ia agai ese atu i Sini e auai i se sailiga tupe sa faia i le maota o se tasi tagata pilionea.
Puna o Faamatalaga: https://www.9news.com.au/national/ex-cyclone-alfred-2025-flood-emergency-south-east-queensland-northern-nsw-updates-warnings/1ce5b96f-ed35-45a0-8fba-ceb17560ae72
