Ua valaaulia tagata lautele ina ia faailoa finagalo i le mataupu e faatatau i le igoa o le pati a Brian Tamaki lea ua faalauiloa ma taumafai e lesitala i le ofisa o le komisi o faigapalota.
O se pepa o faamatalaga mai le komisi o faigapalota ua faamaonia ai o lea o loo iloilo le talosaga a le Freedoms NZ e lesitala aloaia o se pati faapolokiki.
Fai mai le komisi o faigapalota o soo se tasi e fia faailoa sona finagalo i le mataupu lea i le igoa o le pati lenei e mafai ona faatino e ala i le imeli atu i le Komisi pe tusia foi se tusi ma tuuina atu a o lei silia le aso 9 o Tesema.
E tatau foi ona faailoa i le talosaga o le failautusi o le pati e aumau i Niu Sila ma e 500 tala Niu Sila e talosaga ai.
