E lua aso na tatala ai e auaunaga a leoleo i Hawkes Bay o latou faitoto’a i aiga uō ma ē masani ina ia aga’i atu i totonu e silasila ma maimoa i le faatino ai o a latou galuega.
O se polokalame ua ta’ua o se Open Day mo le lautele.
Faamauina le to’atele o tagata na aga’i atu mo lea faamoemoe.
Ta’ua na maua ai ma le avanoa o le to’atele e aga’i ai i taavale leoleo e faatino ai petolō a sui o le auaunaga poo patrol car, feiloa’i atu ai i ta’ifau sosogi ma feiloa’i atu ai foi i sui o le auaunaga e mafai ona tauaveina laaumalosi Armed Offenders Squad, o sui o le vaega e faatinoina galuega tau sā’ili Police Search and Rescue.
Ae na māua le maua o le avanoa o le to’atele e iloa ai ni avanoa a le auaunaga o loo faasalalauina ma galuega e ono fia auai atu ai nisi.
Faailo e le Hawke’s Bay Area Commander Inspector, Lincoln Sycamore lona agaga fiafia i lea faamoemoe.
Faaopoopo le ta’ita’i leoleo, o le fiafiaga lava o le maua o le avanoa o tagata e aga’i atu ai e silasila ma iloa tulaga o loo faatino ai a latou galuega.
Puna o Faamatalaga: https://www.facebook.com/share/p/18XasbrLdH/
