Ua tapunia nei se tasi o aoga mo tamaitai i Sini le Tangara School for Girls i Cherrybrook mo aso o totoe o le vaiaso lenei ona ua lipotia mai ua oo i le tasi vae tolu o le aufaigaluega ua faamaonia le aafia i le Koviti-19.

O le faaaliga ua faia i le aso ananafi e le aoga agai i matua ma o le a faaaoga ai auaunaga i upega tafailagi mo teine aoga mai le tausaga 7-11 mai le aso ananafi seia aulia le Aso Faraile ona o le mafuaaga e pei ona ta’ua.

I se tusi ua lipotia mai e le ABC sa ave i le Nine Radio ua faailoa ai e le aoga e na o le tasi le teine aoga o loo iloa le aafia peitai e ao lava ona faia gaioiga e malupuipuia mai ai le toatele. 

O loo tatala pea isi vaega o le aoga e aofia ai le ofisa ma vasega laiti pei ona faailoa ma ua ta’ua i le faaaliga ua tuuina i aiga ma matua e le māmā i le aoga lenei faaiuga ae o se faaiuga e ao ona faia. 

O le lipoti mai le soifua maloloina a Niu Sa Uelese ua ta’ua ai e 12,450 isi tagata ua faamaonia le aafia i le fitu aso talu ai ma le 809 o gasegase o le koviti o loo taofia i falemai.

Ua faailoa o loo agai pea i luga le aofai o tagata ua aafia i le faamai i le settee.