Na tapunia faafuasei pe lockdown se tasi o aoga maualuga i Aukilani ananafi ona o le fusuaga na tula’i mai i le va o fanau aoga.
Te’a o le lua lea na lockdown ai le Papakura High School ananafi ma ua valaau foi lea ma leoleo, ma na toe faatā’ape ma tatala e leoleo pe tusa o le tasi le itula mulimuli ane.
I lipoti a le ofisa na tuuina mai anapo na ta’ua ai o loo su’esu’e pea poo le ā le mafuaaga atoa ai ma fanau aafia ma o lea foi o loo faaauau ona leoina e leoleo i le asō ma aso o i luma le pitonuu o Papakura o loo iai lea aoga.
