Sa tapunia le State Highway 3 i Stratford i le asō a o taumafai atu leoleo faaaupegaina e pue le tagata sa tafanaina ane leoleo.

Fai mai lipoti o le tagata lea o se alii na ia lokaina o ia i totonu o se fale i le taulaga lea o Stratford i Taranaki ina ua mae’a ona ia tafana ane leoleo i le po anapo. 

Na lipotia mai e tagata e aumau i lea faaitu na o latou faalogoina le pa’ō leotele ane o fana ma o loo musu e agai ane e talanoa ma leoleo.

Na agai atu foi taavale a le falemai i lea nofoaga ina nei manaomia a o faatalanoa ai e leoleo tuaoi ma tagata e nonofo lata ane e faamautu o loo saogalemu.

Fai mai le Waka Kotahi Transport Agency na amata tapunia mai le auala i le po anapo i le 11 ae le iai ni manuaga o lipotia a o galulue ai pea leoleo i le mataupu.

O le saogalemu o le lautele o loo ave iai le faamuamua pei ona faailoa e leoleo.