E silia ma le 170 aoga i Ausetalia i Saute ua tapunia i le asō a o faagasolo ai le solo tetee a faiaoga ona o o latou totogi.
O le AEU poo le Iuni o loo finau mo faiaoga na o latou teena se siitaga e 5 pasene sa faailoa ane ia i latou i le Aso Gafua o le vaiaso nei.
Fai mai a latou ua faasolo ina sili atu ona leaga le tulaga ua iai totogi ma ina ua faia le palota i le vaiaso talu ai e 83 pasene o sui o le Iuni na palota e ioeina le faia o le solo tetee.
Talu mai Setema sa finau ai foi le Iuni ma ona sui peitai e lei maua lava se tali faamalieloto ma sa faia pea lava feutanaiga ma le malo.
O le solo tetee na amata i fafo ane o le ofisa o le matagaluega o aoga ma savavali ai agai i le Palemene.
