Na aveese faatopetope mai le sami le au taeele i Lyall Bay i Ueligitone ananafi ona o le malie.

O le latalata i le itula e lua i le aoauli na faamaonia mai e le sui o le aufaigaluega o loo vaaia tagata i le sami i Lyall Bay na amata iloa ai, ma na vave logo ai loa ma tagata taeele e o ese mai le sami.

Na tapunia ai ma le matafaga mo sina taimi ae faatali sei toe alu ese atu.

I lipoti a nisi o le aufaigaluega na o i le vaapa’u i tai e siaki, e faapea e tusa ma le 2 mita le umī o le malie ma e le o mafai ona mautinoa le ituaiga.

I lipoti e leai se isi sa iai ananafi i le matafaga na faafaigata ona talia faatonuga ma na toe faataga taelega ina ua mautinoa ua saogalemu.