E 5 lala o le faletupe a le ASB o lea ua tapunia.
O lala i Mangere Bridge i Aukilani, Milford, Wellsford, Waiuku ma Willis Street i Ueligitone na tapunia ananafi faitotoa, e mafua ona o lea ua toatele paaga ua agai e faaaogā auala faatekonolosi poo le online.
E faamauina o nei lala e toaitiiti lava paaga e agai iai i tausaga ua mavae, pe tusa ma le 83 agai i le 92% le pa’ū o le numera o tagata e agai iai.
Ae mai le Age Concern Auckland, e lē faigofie suiga nei i tagata matutua.
I le faletupe a le ASB o lea o loo mataitu lala e lē pisi, ma o ā foi ofisa pisi o lea o le a auina atu iai isi tagata o le aufaigaluega.
