Na tapunia ananafi le avanoa mo sui faaulu o fia tamomo’e mo local body elections poo faigapalota faaitumalo.
O le itula e 12 i le aoauli ananafi Aso Faraile e tapunia ai le faaulu o suafa o sui tauva, peitai o le lipoti ua sau e lē to’atele nisi o faaalia le fia tauva.
Ua toe augani ai nisi o councillors o loo iai i totonu o local boards i ē o fia togimaa i le komiuniti e faaulu o latou suafa a o maua le avanoa.
Molimau ai Fiona Gordon o le councillor a Horizons Regional, e moomia le to’atele ma o loo moomia foi nisi e faaleoina finagalo i le va ma le council auā lava faai’uga tāua e fesoasoani i le atina’eina o itumalo ma fausia se pitonuu malosi ma lelei mo tagata.
E oo mai i le aoauli ananafi e leai ni sui tauva mo le itumalo i Saute a Maori faapea foi le itu i Matu, o Ruapehu, Tararua ma Whanganui.
O le tapunia ai i le aso ananafi o le avanoa mo sui tauva e faaulu, o le a faalauiloa mai ai i le Aso Lulu o le vaiaso fou i latou o le a tauva.
