Ua tapena le tetee a i latou o loo galulue i le fuimu.
O lea ua sau le tala e ono tuai ona tali mai le ofisa o le tineimu pe a moomia i le Aso Faraile nei ona o le tetee, ma o loo faasino lea i aai tetele.
E lē o faigofie ma e lē o fiafia foi le sui o le pulega, Brendan Nally i le oo i lea tulaga, peitai o le faatonuga lea mai le iuni aga’i i tagata faigaluega.
O le Aso Faraile nei e faapea o le a amata tetee mai le 11 i le taeao i le 12 i le aoauli, ma o le itula lea e lē tali mai ai i soo se valaau e faaoo atu.
O le isi tetee umi ua talo o le Aso Faraile o le vaiaso fou.O le ulua’i taimi lenei i le talafaasolopito o le a savavali ese ai fuimu mai itu uma o Niu Sila i le taimi e tasi.
