E ui e lei manuia taumafaiga a le Manu Samoa i lana uluai taaloga ma le Moari All Blacks I le faaiuga o le vaiaso peitai o lea ua amata tapenaga mo lana taaloga lona lua.
O le uluai taaloga a le Manu Samoa 15 na vaaia ai le malosi o le taaalo a le au a le Maori All Blacks a Niu Sila ma malolo ai le au a le atunuu i ai e 35- 10.
O se talaoga e le’i mafai ona molimauina e nisi i le malae taalo o le Sky Stadium i Ueligitone ona ua faafuaseia le toe see o lea vaega o Niu Sila i le vaega 2 ona o puipuiga o le faama’i o le Koviti19.
Na muamua laasia e le Maori All Blacks le laina sikoa i le afa muamua, mulimuli ane fnau mai le Manu Samoa ma sikoa ai le alii o Neria Fomai tulai mai loa ai tutusa 7-7.
Peitai e le’i umi ae toe tali mai Maori All Blacks i sikoa sosoo e lua ma tulai mai ai ai e 21 – 7.
E ui i le tuamafai mai a le Manu Samoa i le afa lona lua peitia ua fai si mamao o le manumalo a le Maori All Blacks.
O lea ua tuanuu mai le au a le atunuu i luga i Aukilani ma ua amata tapenaga mo le taaloga lona lua lea o le a toe feiloai ai ma le au a le Maori All Blacks i le Aso 3 o Iulai 2021 i le Mt Smart Stadium.
