O le masina o Setema o loo loma ai le taamilosaga a asosi netipolo a Samoa mai Niu Sila, Ausetalia faapea ai ma Samoa nei.

O lenei taamilosaga sa saunoa ai le Ofisa Sili a le Asosi Netipolo i Samoa, Rosemarie Lome i le auga ma le faamoemoe sa fuafuaina ai.

“O se taimi muamua lenei ua faia ai se taamilosaga faapea e malaga mai ai asosi netipolo oloo faia e tama fanau ale atunuu oloo faapea ona alala ma papa aao i atunuu e mamao e lavea ai Niu Sila ma Ausetalia.”

“O le autu lava ia olenei taamilosaga ole fausiaina lea o se auala mo alo ma fanau a Samoa e faamalosia ai lo latou sootaga poo mafutaga.

“O se auala foi e mafai ona faalauteleina ai pe faaaupegaina ai le tomai o nai fanau foi ale atunuu ile taleni ole netipolo.

E silia male 500 sui auai olenei taamilosaga e aofia faiaoga, o sui o asosi taitasi faapea aiga ma uo.

“O asosi nei e fa mai Vitoria, Kuiniselani Aukilani ma New South Wales oloo faatino lava a latou suegatupe tapena ai foi mo lenei faamoemoe taua ua loma nei.

E fa vaega ua vaevaeina e tauva lenei taamilosaga e aofia ai le Open Womens, Under 17 ma le Under 19 male Open Mens.