Ua lata le aso mo le Tusigaigoa poo le Census Day lea e aofia ai nai suiga o le a faatino ai.
O le Statistics NZ ua o latou folafola nisi o mea o le a faaleleia talu mai le 2018 lea sa ta’ua i iloiloga ua fai si faigata o le suesuega sa faia.
O le sui faaulu o le auaunaga lea a le malo e aoina ai faamatalaga, Simon Mason na ia faailoa i le aufaasalalau o nisi o suiga ua faia e aofia ai le tulaga tau le saogalemu ma nisi fesili fou ua aofia i le suesuega o le tausaga nei.
O le aso 7 la o Mati o le a faataunuu ai lenei tusigaigoa aoao i totonu o Niu Sila.
