Ave e leoleo tagata e toalua e fesootai ma le fasiotia o le tamā 70 tausaga lea na tatui (tulou) ananafi i le taulaga i Aukilani.
O le tamā lenei na fasiotia i Upper Queen St i le apartment i le aoauli ananafi ma amata suesue mai ai loa e le ofisa o leoleo.
E oo mai anapo ua faamaonia mai e leoleo o lea ua taofia ai le tamaitai 26 tausaga ma le alii 35 tausaga le matutua e ui e lei faamaonia mai poo ā moliaga ua molia ai pau o lea e tutulai i luma o le faamasinoga faaitumalo i Aukilani i le asō.
O le tamā matua ua uma ai lona soifua na maliu a o iai i le falemai ma e oo mai i le taeao nei e lei faamaonia mai lona igoa ona o lea o loo taumafai muamua le ofisa e faafesootai lona aiga.
