Ua talia e le Peresetene o le Faamasinoga o Fanua ma Suafa le talosaga mai le Minisita o Faamasinoga ina ia taofia uma mataupu o lea faamasinoga seia maea suesuega faapalemene mo le tulafono i lea faamasinoga.
Na faamaonia e le Minisita lea faaiuga taua ai o mataupu uma a le faamasinoga o Fanua ma Suafa lea na fuafua e faia e i le vaiaso fou o le a faaleaogaina uma seia oo i se taimi.
Taua e Matamua Vasati Pulufana “ Ua talia e le Peresetene lana talosaga ina ia taofia uma mataupu faafaamasinoga a le LTC mo se taimi lē tumau.”
“O le Peresetene o ia lea e vaaia le faamasinoga o Fanua ma Suafa ma o’u te faafetaia lona talia ai o le faaiuga ua tuuina atu mo lenei taimi”.
O suesuega faapitoa o le a agai tonu lea i le eseesega o teuteuga o tulafono o Faamasinoga o Fanua ma Suafa 2020.
O le tamaitai Palemia ma aumaia le mataupu e talanoaina i le masina o Fepuari o le fonotaga a le Palemene pe aisea ua 4 ai vaega eseese o le tulafono.
O le aafiaga o le eseese ai o nei tulafono o le a le talafeagai ai le faatinoga o galuega a le LTC ma lona tutoatasi.
