E toaono talavou o loo taofia nei e leoleo I le maea ai o se faalavelave na tulai mai I le po anapo ile faaitu o Pt Chevalier I Aukilani.
O loo lipotia ile Herald o le taavale na malaga ane ai I latou ia mai Takanini agai mai I Aukilani I Saute ma toe foi ai I North Shore ae na taofia I sipaika a leoleo I le itu I sisifo o le aai.
Fai mai leoleo sa o latou mulimuli I le taavale lea faaaoga ai le vaalele helicopter a leoleo ona sa maitauina le saosaoa ina ua oo ane I Walters Rd I Takanini ma sa masalomia e leoleo o se taavale na gaoia, taumafai leoleo e faailo atu i e nai ile taavale ina ia taofi peitai e lei usitaia.
E lei tulia e leoleo ae na faatulaga sipaika I le alatele I le agai ane I Huia ma Meola Rds I Pt Chev lea na taofia ai loa ma le taavale, taumafai loa ma le toaono sa I le taavale e sosola peitai na tuliloa ma maua e leoleo I se taimi mulimuli ane.Fai mai e i lalo uma o le tai 18 tausaga I latou ia ae tele se vaega o le taavale ua faaleagaina, o le ituaiga o le Mitsubishi lancer. Faatalia se lipoti lata mai a leoleo I le mataupu lea.
