Na vave ona tali atu leoleo i se gaioiga tau talepe fale, sa faia lea i se tasi o faleoloa i Karangahape Road ma faaitu o Day Street poo le ‘afa o le 11 i le po o le Aso Sa, i le amataga o lenei vaiaso.
I lipoti e faapea na faaleagaina e i latou ua aafia i le matāupu se faleoloa, e ala i le tata’eina o le tioata o faitoto’a i luma ae gaoi le tele o sikaleti ma tupe.
Faamauina na maua lelei i meapu’eata a leoleo le tasi o ē na faia lenei soligatulafono, na tuliloa atu o ia i Pitt Street.
E faapea na taumafai o ia e sola ese mai leoleo peita’i na maua atu lava o ia i faaitu e lata ane i le motorway.
Na mulimuli ane maua le isi to’alua na auaufaatasi i le talepeina ma gaoia le faleoloa i K’Road.
Na toe faafoi uma meatotina na gaoia i lē e ana le faleoloa.
O le to’atolu o loo aafia i lenei matāupu, e aofia ai ni alii se to’alua, o le isi e 39 tausaga ma le isi 37 tausaga le matutua, ma le tama’ita’i e to’atasi e 34 tausaga le matua.
Ua tula’i i luma o le Faamasinoga Faaitumalo o Aukilani i moliaga o le talepe fale.
Puna o Faamatalaga: https://www.facebook.com/share/p/1Bj99PX5Fp/
