E oo atu i le 21 kilokalama le mamafa o le ‘aisa o le cocaine ua faamaonia mai ua taofia e le Vaega o Tiute (Customs) i le uafu i Tauranga.
E tusa lea ma le $7.3 miliona tālā Niu Sila pe a faatau i tua. Māua na maua e sui o le ofisa i totoni o se pusa la’u oloa poo se container.
I se pepa o faamatalaga mai le NZ Customs Services na faamauina ai na taunu’u mai lea pusa la’u oloa mai Balboa, Panama i le Aso Faraile o le vaiaso talu ai, aso 2 o Oketopa, ma sa faia iai se iloiloga e pei ona masani ai galuega o le iloilo lelei o pusa la’u oloa mo le tele o faamomoli e oo mai totonu i le atunuu.
Ma i le faatino ai o iloiloga ma sailiiliga e ala i siaki i masini faaneionapo le x-ray screening, o iina na maua ai loa ni vaega e masalosalo iai sui o le vaega o tiute o lea na faatino ai loa sailiiliga i le container atoa.
Ma i faamatalaga, o lea na maua e le vaega o tiute i le tele o oloa na iai totonu se ‘ato o loo i totonu ni poloka o ‘aisa o le cocaine.
Fa’amauina o le tausaga lava lenei 2025, e oo atu i le 430 kilokalama o cocaine na maua i le uafu i Tauranga, lata ina faaluaina le numera o pauta faasāina na maua i le tausaga 2024.
