Ua sau le valaau mai le faalapotopotoga a le soifua maloloina I le lalolagi, WHO e le tatau ona vave sau le tui o le Koviti ua taua o le booster, poo tui e na te faaopoopoina le malosi o le tui na muai tuuina mai
O lea valaau ua sau ai ma le taimi e faatali ai, poo le faaiuga o Setema ona o lea ua tele le va o le faia o tui o atunuu malolosi ma atunuu e vaivai tamaoaiga
I faamaumauga o lea ua fai lava si saoasaoa o le faasooina o tui o atunuu malolosi, ma ua moomia ai le faatelegese ae sei fesoasoani atu I atunuu vaivai tamaoaiga o loo tuai ona maua tui
O le sau o le Delta na suesueina ai e moomia le faaopoopo o le malosiaga o le tui ma o lea ua ta’uta’u ai le booster
O le peresetene o Isaraelu le uluai taitai ua sau tala ua maea faia loa tui lona tolu lea e taua o le booster, ma o lea ua faasolo tui lona tolu o tagata lautele o lea malo
O Amerika o lea o loo suesue pea e le soifua maloloina le moomia o le tui lona tolu lenei o le booster
Tuu mai ia Niu Sila o loo talia pea nei suesuega a le Pfizer, ma o lea na muai sau tala o loo vaavaai poo le faaiuga o le tausaga fua lava I le tali o suesuega
Ae mai le WHO, e le tatau ona faasolo le booster e le I faia uluai tui o tagata o loo nonofo I atunuu e vaivai tamaoaiga
