E taofi eseese le toatele o le au maimoa o le uluai taaloga i le po anapo a Niu Sila ma Ausetalia i le Bledisloe Cup.
Le taaloga na faia Melepone sa matuai faatumulia ai le malae ma tulaga mataina foi le au tapuai a au uma e lua.
Sa finau le taaloga ma e lei iloga lava ona iloa se au e malo mai le amataga o le afa lona lua o le taaloga ona o le vavalalata o ai.
Na iu ina oo ane i minute faaiu o le taaloga ua sili Ausetalia i ai e 37-34 ina ua toe maua atu ai e 34 sa iai o le All Blacks ma tutusa ai. Peitai o le faaiuga a le laufali na faia ua umi o faatali le taimi e toe faaauau ai le taaloga e le au a le Wallabies na toe maua ai loa le avanoa o le All Blacks e toe sikoa ai ma uma ai le taaloga i ai e 39-37 manumalo le All Blacks.
Fai mai nisi finagalo faaalia ua fai si vaivai o le laufali ma lana faaiuga na faia ae fai mai isi sei toe faatali la i le fetauiga i le vaiaso fou e iloa tonu ai le au malosi.
